Vi ser fram til å få deg som gjest hos oss! Åpningstid i 2010 er 19.mars – 5.april og 18.juni – 12.september.
Gjendebu ligg flott til i den innerste enden av Gjendevatnet, midt i hjertet av Jotunheimen. Den er DNT si eldste turisthytte, bygd i 1871. Sidan har hytta vore utvida og ombygd mange gonger, og den har i dag 119 senger og relativt moderne fasiliteter.
Her på 995 moh ligg vi i skjæringspunktet mellom høgfjell og skog, med det irrgrøne Gjendevatnet like ved husa, med ein rik flora som inneheld over 700 forskjellige arter, og med tindar og brear i overdådig utvalg i alle retningar.
Samtidig er Gjendebu lett tilgjengeleg med rutebåt, og omgivelsane er barnevennlege og varierte. Som fritidsaktivitetar i tillegg til vandring anbefaler vi fjellfiske, plantestudier eller strandliv med bading og beachvolley!
Vi legg opp til fjellfest som vanlig første helga i juli. I tråd med lokal tradisjon vil vi invitere alle gjester på gratis grillparty ute på festplassen, der vi grillar fjellaure og kosar oss. Musikken denne helga vil Fannaråken Blåsekvintett med venner ta seg av, kven som blir venner der har vi ikkje oversikt over enno, men vi kjem tilbake med meir informasjon seinare.
Vi trur det blir folksomt og vil anbefale i alle fall deg som er ung og sprek å ta med telt/bivuakkutstyr. Då kan du overnatte billeg og uavhengig på våre flotte teltplassar, og du kan sende all ekstrabagasjen fram og tilbake med båten, sjølv om du sjølv vil gå.
