Den restaurerte Gjendinebua som den framstår i dag.
Kaia Gjendine Slaalien er den person som gjennom heile Gjendebu si historie har hatt sterkast tilknytning til Gjendebu.
Ho vart fødd på Gjendebu – i Gjendinebua – på forsommaren 1871, same år som DNT si første hytte åpna her, og var datter av det første bestyrerparet på Gjendebu, Anne og Erik Slaalien. Gjendine heldt seg i Jotunheimen det meste av livet, også på Spiterstulen og Skogadalsbøen. Ho traff ved fleire høve Edvard Grieg og skal ha inspirert hans musikk i stor grad. I hans opus 66 finst mange tema frå Gjendine sine songar, og det siste stykket i samlinga er "Gjendines vuggesang". Gjendine døydde 13. mai 1972, i sitt 101. år.
